Ամառային ճամբար

2017 թվականի ամռանը ՍԵՖ Ինտերնեյշնլ ՈւՎԿ-ի  շնորհիվ Հայաստանի հեռավոր համայնքներում ապրող 15 կարիքավոր երեխա անմոռանալի արձակուրդ է անցկացրել Վորլդ Վիժնի կողմից կազմակերպված ամառային ճամբարում, որն ունեցել է ՏՏ ոլորտային ուղղվածություն:

Երեխաների առցանց անվտանգություն

Բիլայն ընկերությունը և ՎՎՀ-ն սկսել են «Անվտանգ համացանց» համատեղ ծրագիրը, որի հիմնական բաղադրիչներից  է՝ դասընթացների միջոցով բարձրացնելերեխաների, ծնոցների և ուսուցիչներիիրազեկվածությունըհամացանցից, բջջայինհեռախոսներից  ևժամանակակիցայլՏՏհաղորդակցմանմիջոցներից  անվտանգօգտվելու վերաբերյալ:

 «Բիլայն» ընկերության աջակցությամբ թարմացված նյութերը (Անվտանգ համացանց ձեռնարկ երեխաների համար, Անվտանգ համացանց ուղեցույցներ ծնողների և ուսուցիչների համար) հասանելի են ծրագրի շահառու 600 երեխաների, 90 ծնողների և 30 ուսուցիչների համար: Ծրագրի շրջանակներում փորձառու մասնագետները իրականացնում են դասընթացներ, որոնց մասնակցում են Երևանի, Թալինի և Կապանի 11-14 տարեկան երեխաները:

Պահե՛նք երեխաներին ընտանիքում

 Ucom Հիմնադրամի և Վորլդ Վիժն Հայաստանի «Պահենք երեխաներին ընտանիքում» համատեղ ծրագրի շրջանակներում սոցիալապես անապահով ընտանիքներին տրամադրվում են միջոցներ և սարքավորումներ` լրացուցիչ եկամտի աղբյուր ստեղծելու նպատակով, ինչի շնորհիվ ծնողները հնարավորություն են ստանում բարելավել ընտանիքի սոցիալ-տնտեսական վիճակը և երեխաներին մեծացնել ընտանիքում՝ տնտեսական ծանր կացության պատճառով նրանց պետական խնամքի հաստատություն ուղարկելու փոխարեն: 

Բարեգործական ծրագրի միջոցները գոյանում են Ucom-ի բաժանորդների SMS նվիրատվություններից (200 կամ 500 դրամ), իսկ Ucom Հիմնադրամը կրկնապատկում է  յուրաքանչյուր ամսվա ընթացքում հանգանակված գումարը:

ՊիկսԱրտի նորարարական դասընթացներ Ապարանում և Քուչակում

Ծրագրի շրջանակներում Ապարան քաղաքի արվեստի դպրոցի և Քուչակ համայնքի նկարչության խմբակի սաները մասնակցում են հանրաճանաչ ՊիկսԱրտ նկարչական և ֆոտո - խմբագրման ծրագրի դասընթացների: Ավելի քան 50 աշակերտ հնարավորություն են ստացել դրսևորել և զարգացնել իրենց ստեղծագործական կարողությունները՝ օգտվելով պատկերների խմբագրման և գրաֆիկական դիզայնի ժամանակակից գործիքներից:

ՊիկսԱրտի ֆինանսավորմամբ երկու դպրոցների խմբակներին տրամադրվել է 29 պլանշետ: Դասընթացները անցկացում են խմբակների նկարչության ուսուցիչները, ովքեր հատուկ վերապատրաստվել են ՊիկսԱրտի կողմից: Ընկերության մասնագետները պարբերաբար այցելում են դպրոցներ՝ խորհրդատվություն տրամադրելով և աջակցելով դասընթացների անցկացմանը:

Ծրագրի շրջանակներում երեխաները կայցելեն ՊիկսԱրտի երևանյան գրասենյակ, կկազմակերպեն ցուցահանդեսներ, կմասնակցեն առցանց մրցույթների և այլ միջոցառումների:

Ֆուտբոլի խաղադաշտ Ծովակ համայնքում

Գեղարքունիքի մարզի Ծովակ համայնքում կառուցված ֆուտբոլի դաշտից օգտվում է Ծովակի և շրջակա հինգ համայնքների ավելի քան 1,000 երեխա:

Ֆուտբոլի դաշտի կառուգման համար անհրաժեշտ գումարը հանգանակվել էր 2012 թ. նոյեմբերին Երևանում տեղի ունեցած նախադեպը չունեցող քայլաթոն-դրամահավաքի ընթացքում, որը կազմակերպվել էր Վորլդ Վիժնի նախաձեռնությամբ և Գերմանիայի Դաշնային Հանրապետության դեսպանատան աջակցությամբ:

Դպրոցականների շրջանում բերանի խոռոչի խնամք և բուժում

Արագածավան համայնքի երկու դպրոցների 1-6-րդ դասարանի աշակերտների համար կազմակերպվել է բերանի խոռոչի անվճար հետազոտություն և ատամների բուժում, ինչպես նաև անցկացվել են ատամների խնամքի և հիգիենայի դասընթացներ: Ծրագրի միջոցները ստացվել են «ԷՅՉ-ԷՍ-ԲԻ-ՍԻ ԲԱՆԿ ՀԱՅԱՍՏԱՆ» -ի աշխատակիցների կատարած ամսական նվիրատվություններից, որոնք նաև համալրվել են ՎՎ Հայաստանի կողմից:

Երեխաները նաև նվեր ստանան ատամի խոզանակներ և մածուկ, որոնք անվճար տրամանրվել են ԷՍԹԻՆԳ և ԱՍՈՂԻԿ ընկերությունների կողմից:

Քրիստոնեական ամառային ճամբարներ

2012 և 2103 թթ.«ՔՐՈՆԻՄԵՏ» Բարեգործական հիմնադրամի շնորհիվ Գեղարքունիքում, Շիրակում, Սյունիքում և Լոռիում ապրող 602 կարիքավոր երեխա անմոռանալի արձակուրդ է անցկացրել Վորլդ Վիժնի ամառային ճամբարներում:

Բորյան եղբայրների թանգարան և Մշակութային կենտրոն

Ճամբարակի Բորյան եղբայրների թանգարանը և մշակութային կենտրոնը վերաբացվել է «ՔՐՈՆԻՄԵՏ» Բարեգործական հիմնադրամի տրամադրած միջոցների, ինչպես նաև ՎՎ Հայաստանի հավելյալ ներդրման շնորհիվ։

Ճամբարակում և հարակից համայնքներում ապրող ավելի քան 1500 երեխաներ և պատանիներ այցելում են Բորյան եղբայրների թանգարանը և հաճախում են մշակութային կենտրոնում բացված խմբակները:

Հեռավոր համայնքներին բժշկական սարքավորումների տրամադրում

Արագածոտնի և Գեշարքունիքի մարզերի մի շարք առողջապահական հիմնարկներ ստացել են բժշկական նոր սարքավորում՝ Վորլդ Վիժնի և «Մոնիտիս Հայաստան»-ի համագործակցության արդյունքում: Համատեղ ծրագիրը, որի նպատակն էր Հայաստանի հեռավոր համայնքներում բարձրացնել բժշկական ծառայությունների որակը, ֆինանսավորվել է Մոնիտիսի և նրա աշխատակիցների ամենամսյա նվիրատվությունների շնորհիվ:

Ճամբարակի հարակից 6 գյուղական համայնքներում ապրող բոլոր երեխաները օգտվում են տեղական բուժկետերին տրամադրված կշեռքներից և հասակաչափերից: Իսկ Թալինի ծննդատանը նվիրաբերած էլեկտրոնային մոնիտորը թույլ է տալիս վերահսկել հղիության ընթացքում պտղի սրտի աշխատանքը:

Դպրոցական պայուսակներ և գրենական պիտույքներ

Տավուշի մարզի Բերքաբեր, Բարեկամավան և Սեվքար համայնքների 28 երեխա ստացել է դպրոցական նոր պայուսակներ և գրենական պիտույքներ, որոնք նվիրաբերվել են ԻՆԳՈ Արմենիա, ՕԳՄԱ Ափլիքեյշնս կազմակերպությունների աշխատողների կողմից, ինչպես նաև Վորլդ Վիժնի ֆեյսբուքյան էջի միջոցով այս նախաձեռնության մասին տեղեկացած մեր աջակիցների կողմից:

Ամռան ամիսներին սահմանամերձ շրջաններում տիրող լարված իրավիճակը բացասական ազդեցություն ունեցավ տարածքի ընտանիքների սոցիալ-տնտեսական պայմանների վրա: Վորլդ Վիժն Հայաստանը դիմեց իր աջակիցներին՝ խրախուսելով նրանց նոր ուսումնական տարվա համար դպրոցական պայուսակներ և գրենական պիտույքներ նվիրաբերել:

Բոլոր նվերները ձեռք էին բերվել Վորլդ Վիժն Հայաստանի Նվերների կատալոգի միջոցով և բաժանվել առավել անապահով ընտանիքների, ինչպես նաև հատուկ կարիքներով երեխաներին:

ԻՆԳՈ Արմենիայի և ՕԳՄԱ Ափլիքեյշնս ընկերության աշխատակիցները երեխաների համար նաև պատրաստել էին բացիկներ՝ մաղթելով նրանց հաջող ուսումնական տարի:

Երիտասարդների «Ռոբոտիքս» ակումբ Ապարանում

20 երեխա հաճախում է Ապարանի ավագ դպրոցում հիմնված «Ռոբոտիքս» ակումբը: Ծրագրի միջոցները ստացվել են «Մոնիտիս»-ի և այդ ընկերության աշխատակիցների ամսական նվիրատվություններից, որոնք համալրվել են ՎՎ Հայաստանի կողմից:

Ռոբոտաշինության երիտասարդական ակումբները և նմանատիպ ծրագրերը Հայաստանի տեղեկատվական տեխնոլոգիաների ոլորտում կարող են լուրջ ազդեցություն ունենալ: Այսպիսով, ընդունակ երիտասարդները հեշտությամբ մուտք կգործեն վեբ դիզայնի, ծրագրավորման, անիմացիոն և ռոբոտաշինության ոլորտներ:

Պահե՛նք երեխաներին ընտանիքում` համատեղ ծրագիր Orange Հիմնադրամի հետ

Orange Հիմնադրամի և Վորլդ Վիժն Հայաստանի «Պահենք երեխաներին ընտանիքում» համատեղ ծրագիրն սկսվել է 2012 թվականին: Ծրագրի շրջանակներում սոցիալապես անապահով ընտանիքներին տրամադրվել են միջոցներ և սարքավորումներ, ինչը ծնողներին թույլ է տվել ստեղծել լրացուցիչ եկամտի աղբյուր, բարելավել ընտանիքի սոցիալ-տնտեսական վիճակը և տուն վերադարձնել իրենց երեխաներին, ովքեր տնտեսական ծանր կացության պատճառով հայտնվել էին գիշերօթիկ դպրոցում կամ խնամքի այլ հաստատությունում:

 Բարեգործական ծրագրի միջոցները գոյացել են Օրանժի բաժանորդների SMS նվիրատվություններից (100 կամ 500 դրամ), իսկ Orange Հիմնադրամը կրկնապատկել է յուրաքանչյուր ամսվա ընթացքում հանգանակված գումարը: 2014 թ. բարեգործական աճուրդի ընթացքում նոր 041 համարային շարքի 11 լավագույն համարների վաճառքից ստացված լրացուցիչ գումարները Օրանժ Հայաստանը նույնպես տրամադրել է «Պահենք երեխաներին ընտանիքում» ծրագրին:

 Մինչև 2016թ. մարտ ամիսը ավելի քան 90 երեխա վերամիավորվեց իրենց ընտանիքների հետ այս ծրագրի շնորհիվ: