Ի շահ երեխաների, ի նպաստ փոփոխության, հանուն կյանքի…
Վորլդ Վիժնի մասին

Donate.am կայքը Վորլդ Վիժն Հայաստանի կողմից ստեղծված հարմարավետ դրամահավաք հարթակ է, որտեղ մեր աջակիցները հնարավորություն կունենան առցանց նվիրատվություններ կատարել՝ մասնակցելով մի շարք հրատապ ծրագրերի համար ֆինանսական միջոցների հայթայթմանը:

Վորլդ Վիժնը երեխայակենտրոն քրիստոնեական կազմակերպություն է, որն աջակցում է համայնքների զարգացմանը: Մենք աշխատում ենք երեխաների, նրանց ընտանիքների և համայնքների հետ, որպեսզի հաղթահարենք աղքատությունն ու անարդարությունը:

Հայաստանում Վորլդ Վիժնն իր գործունեությունն սկսել է 1988-ին՝ օգնության հասնելով ավերիչ երկրաշարժից տուժածներին: Հետագայում Վորլդ Վիժնը սկսել է իրականացնել ծրագրեր, որոնք աջակցում են համայնքների հոգևոր և նյութական զարգացմանը: Ներկայումս կազմակերպությունն իր աշխատանքները հիմնականում կենտրոնացրել է Հայաստանի 3 մարզերում՝ Գեղարքունիքում, Սյունիքում և Տավուշում։

Ի շահ երեխաների, ի նպաստ փոփոխության, հանուն կյանքի…
Մեր նպատակն է Հայաստանը դարձնել հույսով և արժանապատվությամբ ապրող երեխաների ու պատանիների օրրան:
Մեր նպատակն է Հայաստանը դարձնել հույսով և արժանապատվությամբ ապրող երեխաների ու պատանիների օրրան:
Վորլդ Վիժնի ծրագրերն ուղղակի կամ անուղղակի օգուտ են բերել Հայաստանում բնակվող 110,000 երեխայի:

Վորլդ Վիժն Հայաստանը միջոցառումներ է իրականացնում հետևյալ ռազմավարական ուղղություններով.      

  • Վաղ մանկական զարգացում և աճի ապահովում բոլորի համար (տարիքային խումբ՝ 0-5):
  • Բռնություններից զերծ և ներառական ընտանիքներ, դպրոցներ և համայնքներ բոլոր՝ հատկապես ամենախոցելի երեխաների համար (տարիքային խումբ՝ 6-14):
  • Երիտասարդներ՝ հանուն զարգացման և խաղաղարարության (տարիքային խումբ՝15-29):

Մեր ծրագրերին ավելի մանրամասն ծանոթանալու համար այցելեք  wvi.org/armenia.

Մեր նպատակն է Հայաստանը դարձնել հույսով և արժանապատվությամբ ապրող երեխաների ու պատանիների օրրան:

Մեր արժեքները

Մենք արժևորում ենք մարդկանց
Մենք արժևորում ենք մարդկանց

Չկա ավելի թանկ բան, քան մարդկային կյանքը: Մենք հավատում ենք, որ յուրաքանչյուր մարդ, այդ թվում նրանք, ում մենք ծառայում ենք, ունի արժանապատվություն և եզակի է իր տեսակի մեջ

Մենք արձագանքող ենք
Մենք արձագանքող ենք

Մենք այնտեղ ենք, որտեղ կա մեր կարիքը. մենք տրամադրում ենք անհապաղ օգնություն և օգնում ենք վերսկսել կյանքը։ 

Մենք ծառայում ենք աղքատներին
Մենք ծառայում ենք աղքատներին

Մեր ծրագրերի կենտրոնում առավել խոցելի երեխաներն են, որոնց մենք աջակցում ենք հաղթահարել աղքատությունը և վայելել կյանքն իր լիարժեքությամբ:

Մենք գործընկերներ ենք
Մենք գործընկերներ ենք

Մենք ուժեղ են միասին, ուստի եկեք միավորենք ուժերը` կյանքն ավելի լավը դարձնելու համար:

Մենք խնամքով ենք վերաբերվում մեր գործին
Մենք խնամքով ենք վերաբերվում մեր գործին

Հաշվետու լինելով և ռեսուրսները ճիշտ օգտագործելով` մենք ստեղծում ենք ավելի լավ ապագայի հնարավորություններ:

Մենք քրիստոնյա ենք
Մենք քրիստոնյա ենք

Մենք աջակցում ենք ԲՈԼՈՐ երեխաներին` առաջնորդվելով քրիստոնեական արժեքներով։ 

Տեղական Ֆոնդահայթայթում

2012 թվականից Վորլդ Վիժն Հայաստանը տեղական ֆոնդահայթայթման գործունեություն է սկսել, որի նպատակն է ավելացնել տեղական հանգանակությունների միջոցով ֆինանսավորվող ծրագրերի մասնաբաժինը, լրացուցիչ միջոցներ հայթայթել նոր ծրագրերի իրականացման համար, ինչպես նաև նպաստել Հայաստանում հովանավորության մշակույթի զարգացմանը: Մենք ձգտում ենք տեղական դոնորների ուշադրությունը հրավիրել խոցելի երեխաների և ընտանիքների խնդիրներին՝ օգնելով արձագանքել նրանց ամենահրատապ կարիքներին: 

Մենք համագործակցում ենք կորպորատիվ դոնորների և անհատ նվիրատուների հետ՝ նրանց առաջարկելով հովանավորության մի շարք հնարավորություններ: Մեր երկարաժամկետ զարգացման ծրագրերը և Հայաստանի տարածքում գործող 9 գրասենյակները լավագույն երաշխիքն են, որ Ձեր նվիրատվությունը առավելագույնս կծառայի իր նպատակին:

Երազանքը մեր`
Լիարժեք կյանքն է մեր մանուկների:
Աղոթքը մեր`
Ամենքի կամքն է, որ այդպես լինի: